Man. City pa limite, ofroi 100 mln funte për mbrojtësin e Serie A
Manchester City pasi ka humbur terren me Liverpoolin kryesues në Premier League, mendon të përforcohet në merkaton e janarit për pjesën e dytë të sezonit, transmeton OraNews.
Skuadra e Pep Guardiolës synon të ofrojë një qendërmbrojtës. Emri më i lakuar për të mbërritur tek klubi anglez është Kalidou Koulibaly. Sipas asaj që shkruan “90min”, Manchester City pritet që këtë muaj të paguaj klauzolën prej 100 milionë funtesh për mbrojtësin e Napolit.
Koulibaly është një nga mbrojtësit më të mirë në botë aktualisht. Senegalezi prej vitesh është në optikën e disa klubeve prestigjoze në Europë.