Mbi 60,000 njerëz të zhdukur në luftën kundër drogës në Meksikë

Mbi 60,000 njerëz janë zhdukur në Meksikë prejse ky vend ka nisur luftën kundër drogës në vitin 2006, thanë autoritetet, shkruan Koha.net, transmeton Portalb.mk.

Numri është shumë më i lartë se vlerësimet e mëparshme për rreth 40,000.

Kartelet e drogës dhe grupet e krimit të organizuar janë autorët kryesorë, por edhe forcat e sigurisë fajësohen për vdekje dhe zhdukje.

Rreth 53% e atyre që u zhdukën ishin midis moshës 15 dhe 35 vjeç dhe 74% ishin burra, thanë zyrtarët, transmeton rel.

“Këto janë të dhëna tmerri dhe pas tyre ka histori me dhimbje të mëdha për familjet”, tha Karla Quintana, udhëheqëse e Komisionit Kombëtar të Kërkimeve.

Në vitin 2006, presidenti i atëhershëm i Meksikës, Felipe Calderon, ka nisur sulme ushtarake mbi tregtinë e drogës.

Por, problemi ka vazhduar, edhe pas dy ndryshimeve në administratë.

Vetëm vitin e kaluar, më shumë se 5,000 njerëz janë zhdukur, tha Quintana.

Lajme të ngjashme

Leave a Reply

Your email address will not be published. Required fields are marked *

Back to top button