U hoq nga puna, ish-shoferi i hodhi granatë në zyrë kryetarit të komunës
Heqja nga puna rreth 3 vite më parë si shofer i kryebashkiakut Fatos Tushe është pika kryesore e hetimit të policisë për motivimin e hedhjes së granatës në zyrën e Bashkisë Lushje nga Gëzim Saraçi, transmeton OraNews.
Gazetari Besar Bajraktaraj raporton se bëhet fjalë për konflikte të vjetra mes Tushes dhe Saraçit.
Mëngjesin e sotëm ata janë takuar përpara ambienteve të bashkisë ku kanë diskutuar dhe më pas të dy së bashku më pas janë futur në zyrën e kryebashkiakut.
Pasi ka dëgjuar debatin e fortë dhe tonet e larta mes tyre, në zyrë ka hyrë edhe sekretarja.
Në atë moment mësohet së Saraçi ka hedhur granatën dhe është larguar nga vendi i ngjarjes.
Nga shpërthimi granatës mbeti i plagosur Tushe dhe sekretarja e tij Erisa Qalliu.