RMV, ka ulje të shkallës së varfërisë në vitin 2018

Shkalla e personave të varfër në vend vjet ka qenë 21,9 për qind ose rreth 455 mijë qytetarë, që paraqet ulje në krahasim me vitin 2017 kur ajo ishte 22,2 për qind, njoftoi sot Enti shtetëror për statistikë.

Bazë e llogaritjeve të varfërisë , siç kumtojnë nga ESHS, janë të ardhurat, ndërsa pragu i varfërisë është definuar në 60 për qind të të ardhurave mediale ekuivalente.

Duke analizuar sipas ekipeve të amvisërive, shkalla e varfërisë së amvisërive të përbëra nga dy të rritur me dy persona nën kujdes në vitin 2018 është 22,0 për qind. Sipas statusit më frekuent të aktivitetit ekonomik, shkalla e varfërisë e personave të varfër të punësuar është 8,8 për qind ndërsa shkalla e pensionistëve të varfër është 7,9 për qind.

Sipas ESHS, Gini koeficienti, masë për pabarazi në sistemimin e të ardhurave, arrin 31,9 për qind.

Shkalla e varfërisë për vitin 2018 është njëjtë si në vitin 2016.