Oliver Spasovski, më i përfoluri për kryeministër në qeverinë teknike

Kryeministri dhe lideri i LSDM-së, Zoran Zaev këtë javë përpara kreut të partisë ka kumtuar se ka vendosur që ministri i Punëve të Brendshme dhe nënkryetari i partisë, Oliver Spasovski do të jetë kryeministër teknik në qeverinë teknike, mëson Fokus nga burime të larta partiake, njofton Portalb.mk.

Sipas tyre, sot duhet që të mbahet koordinim i ri i kreut të partisë së socialdemokratëve, në të cilin ky vendim do të duhet që të konfirmohet, pas së cilës në periudhën e ardhshme pritet që të verifikohet edhe nga Bordi Qendror.

Jozyrtarisht, përveç Spasovskit, në biseda mes personave në Bihaqka është përmendur edhe emri i ministres së Punës dhe Politikës Sociale, Milla Carovska, për arsye se edhe ajo duhet që të tërhiqet nga pozita e ministres, në pajtueshmëri me rregullat zgjedhore sipas Marrëveshjes së Përzhinës, të cilat janë bërë pjesë e Kodit Zgjedhor.

Në situatë të tillë, Carovska duhet që të mbetet zv/ministre për Punë dhe Politikë Sociale me të drejtë të vetos ndaj të gjitha vendimeve dhe akteve lidhur me procesin zgjedhor, derisa partia më e madhe në pushtet do të duhet që të zgjedh zv/ministra për Ministrinë e Punëve të Brendshme, që sipas informatave jozyrtare do të jetë person prej brenda, i cili llogaritet si profesionist.

Jozyrtarisht flitet se ish shefi i Policisë Zoran Verushevski, i cili e udhëheqë komisionin partiak për siguri në LSDM, ka qenë në kombinime të caktuara për kryeministër teknik, megjithatë burimet thonë se kjo rëndë mund të zbatohet pasi që bëhet fjalë për personalitet kontrovers.

Lajme të ngjashme

Leave a Reply

Your email address will not be published. Required fields are marked *

Back to top button