SHGM dhe SPGM e dënuan trajtimin e gazetarëve në ndërtesën e Gjykatës Kushtetuese
Shoqata e Gazetarëve të Maqedonisë dënon sjelljen e të punësuarve në Gjykatën Kushtetuese që trajtuan në mënyrë të papërshtatshme dhe jo-evropiane ekipet e gazetarëve që dëshironin të merrnin pjesë në takimin e sotëm midis Kryetarit të Gjykatës Kushtetuese, Sali Murati dhe Ambasadorit të BE-së në Shkup Samuel Zbogar.
Edhe pse mediat ishin të ftuara për të marrë pjesë dhe për ta ndjek këtë takim, ekipet e gazetarëve u lejuan vetëm të xhirojnë disa inserte nga takimi dhe më pas u dëbuan nga salla e gjyqit.
Megjithëse ka një dhomë të rezervuar për gazetarët në Gjykatën Kushtetuese, të punësuarit në gjykatën i përzunë gazetarët jashtë ndërtesës dhe i njoftuan se deklaratat për takimin mund t’i presin vetëm jashtë ndërtesës.
“Ky incident është edhe më i papranueshëm kur dihet që Gjykata Kushtetuese duhet të jetë mbrojtësi kryesor i lirisë së fjalës. Kërkojmë që në të ardhmen Gjykata Kushtetuese të sigurojë kushte të mira për punën e gazetarëve dhe të mos vendosë një shembull negativ në shoqërinë për marrëdhëniet midis institucioneve dhe gazetarëve”, thonë nga SHGM.
Dënim për ngjarjen ka arritur edhe nga Sindikata e Pavarur e Gazetarëve (SPGM).
“Ky precedent është goditje e ashpër ndaj të drejtës së qytetarëve që nëpërmjet mediave të informohem për problemin më aktual që në mënyrë të drejtpërdrejt i prek. Plotësisht, institucioni duhet që të jetë në mesin e atyre me reputacion më të lartë në shoqëri. Me këtë hap krijon praktikë të keqe të jotransparencës, të cilën mund ta ndjekin edhe të tjerët”, thonë nga SPGM.
