PSV Eindhoven e shkarkoi trajnerin Mark van Bommel
Gjiganti holandez i futbollit PSV Eindhoven sot ka shkarkuar trajnerin Mark van Bommel, duke thënë se rënia e ekipit këtë sezon nuk është “e denjë për PSV”, transmeton Anadolu Agency (AA).
Njoftimi erdhi në mëngjes pasi PSV humbi 3-1 ndaj Feyenoord, me ç’rast Eindhoven tani është në vendin e katërt në ligën holandeze, 10 pikë më pak se kryesuesit e tabelës Ajax dhe AZ Alkmaar.
Si lojtar, Van Bommel fitoi tituj në katër vende, përfshirë katër tituj të ligës holandeze me PSV dhe Ligën e Kampionëve me Barcelonën.
“Të gjithë bëmë gjithçka që mundëm për ta kthyer valën. Fatkeqësisht, nuk funksionoi”, tha drejtori i klubit Toon Gerbrands.
PSV ende nuk ka caktuar pasardhës të tij.
