fbpx

Si mund të flemë më mirë, në më pak kohë

Tani ne mund të përforcojmë përfitimet restauruese të gjumit. A mund të na ndihmojë kjo të përballojmë netët e vonshme dhe mëngjeset e hershme, raporton BBC.

Shpesh pagjumësinë tonë e konsiderojmë si simbol të krenarisë-një matës i pamundësive të orareve tona të ngjeshura.

Thomas Edison, Margaret Thatcher, Martha Stewart dhe Donald Trump, kanë deklaruar se flenë 4-5 orë gjatë natës-shumë më pak sesa shtatë orët e rekomanduara për të rritur.

Sipas qendrave për kontroll të sëmundjeve dhe parandalim, më shumë se 1/3 e të rriturve në SHBA dështojnë të bëjnë gjumë të rregullt. Pasojat e kësaj përfshijnë memorie të dëmtuar, vendimmarrje dhe rrezik të rritur ndaj infeksioneve dhe mbipeshës-për të cilat kanë dijeni por injorohen lehtë.

Kur kërkesat tona tejkalojnë orët e ditës, gjumi është sakrifica jonë kryesore, por çfarë nëse do të ishim në gjendje të thjeshtonim përvojën e gjumit, në mënyrë që të shijonim shumicën e përfitimeve te gjumit të thellë, në më pak kohë?

Kjo mundësi mund të jetë më afër sesa ne e mendojmë, falë teknikave të reja për “thjeshtëzim të gjumit.” Eksperimente të ndryshme nëpër botë kanë shfaqur se është e mundur të rrisim efikasitetin e aktivitetit të trurit gjatë natës-shpejtimi i futjes në gjumë të thellë dhe përmirësimi i pushimit tonë sapo të futemi në atë fazë.

Tingëllon shumë mirë për të qenë e vërtetë. Apo jo?

Në një natë të rregullt, truri futet në faza të ndryshme të gjumit, secila me një karakteristikë të ‘valëve të trurit’, në të cilën neuronet në regjione të ndryshme të trurit bashkohen me një ritëm të veçantë.

Është jashtëzakonisht e vështirë të bindësh njerëzit e privuar nga gjumi për të bërë ndryshimet e nevojshme në stilin e jetës.

Gjate fazës së lëvizjes së shpejtë të syrit (REM), ritmi është shumë i shpejtë-gjatë të cilit ne ëndërrojmë, por në një pikë të caktuar sytë tanë ndalojnë së lëvizuri, ëndrrat tona veniten dhe ritmi i valëve të trurit bie në më pak se ‘rrahja’ e sekondat, në të cilën ne hymë në gjendjen e gjumit të thellë, gjendja më e pavetëdijshme, jo reaguese e quajtur ‘vala e ngadaltë e gjumit’.

Është kjo fazë gjumi që shkencëtarët kanë interes të hetojnë mundësinë për thjeshtim të gjumit.

Hulumtimet që nga viti 1980 kanë treguar se kjo fazë gjumi është esenciale për mirëmbajtje të trurit sepse i lejon regjionet e nevojshme të trurit të kalojnë memoriet nga ajo e shkurtër në të gjatë-në mënyrë që të mos harrojmë çfarë kemi mësuar.

Valët e ngadalta gjithashtu mund të shkaktojnë rrjedhjen e gjakut dhe lëngut cerebrospinal nëpër tru, duke shpërndarë mbetjet potencialisht të dëmshme që mund të shkaktojnë dëme nervore, ato gjithashtu zhysin hormonin e stresit dhe ndihmojnë në rinovimin e sistemit imunitar në mënyrë që të mund të luftojë infeksionet në ardhje.

Rezultate të tilla i shtynë shkencëtarët përfshirë Bornin nga Departamenti mjekësor i psikologjisë mjekësore dhe sjelljet neurobiologjike në Universitetin Tubingen në Gjermani të pyes nëse ne mund të jemi në gjendje të përmirësojmë përfitimet e gjumit dhe përmirësojmë funksionimin gjatë ditës duke prodhuar valë të ngadalta.

Një nga teknikat më premtuese funksionon si një metronomë që numëron trurin në ritmet e sakta. Pjesëmarrësit në këtë eksperiment mbajtën kufje që regjistron aktivitetin e tyre të trurit dhe regjistron kur fillojnë valët e ngadalta.

Kjo pajisje më pas bën impulse të shkurtër me tinguj të butë, duke filluar me sinkronizim të valëve të ngadalta natyrale të trurit, në intervale të rregullta gjatë natës.

Tingujt janë të qetë për të shmangur zgjimin e pjesëmarrësit, mjaftë të larta sa për tu regjistruar, pavetëdije, nga truri.

 

Born ka udhëhequr pjesën më të madhe të eksperimentit, duke zbuluar se ky stimulim i butë dëgjimor është vetëm sa për të forcuar ritmet e duhura të trurit, duke thelluar gjumin me valë të ngadaltë në krahasim me njerëzit që marrin stimulim në trup.

Pjesëmarrësit që patën kufje performuan më mirë në testet e kujtesës, duke treguar më shumë kujtesë për materialin që kishin mësuar një ditë më parë, gjithashtu kjo ndryshoi ekuilibrin e tyre hormonal-duke zvogëluar nivelin e kortizolit dhe reagim të përmirësuar imunitar.

Pjesëmarrësit nuk kanë raportuar për ndonjë efekt anësor nga kjo teknike, raporton BBC.

Shumica këtyre studimeve janë bërë në grupe të vogla me pjesëmarrës të ri dhe të shëndetshëm për tu siguruar saktsinë e provave.

 

 

Një Start up francez i quajtur ‘Dreem’ ka prodhuar një shirit të kokës që përdorë stimulimin e dëgjimit për të rritur gjumin e valëve të ngadalta duke përdorur një përbërje të ngjashme me eksperimentet shkencore-efektet janë konfirmuar në një gjykim të rishikuar nga bashkëmoshatarët.

Pajisja Dreem gjithashtu lidhet me një aplikacion që analizon modelet e gjumit tuaj dhe ofron këshilla dhe ushtrime praktike për t’ju ndihmuar të bëni një pushim më të mirë gjatë natës.

Këtu përfshihen meditimi dhe ushtrimet e frymëmarrjes që ju bëjnë të flini më shpejtë dhe me pak zgjime gjatë natës.

Në anën tjetër, ‘Philips’s SmartSleep Deep Sleep Headband’, ka për qëllim të krijojë disa nga efektet e dobëta të privimit të gjumit për njerëzit të cilët “për çfarëdo arsye, nuk po i japin vetes mundësi të përshtatshme gjumi”, thotë David White, Zyrtar kryesor shkencor i Philips.

 

White pajtohet se kjo pajisje nuk mund ta zëvendësojë plotësisht një natë gjumi të plotë, por është e vështirë t’i bindesh njerëzit që kanë mungesë gjumi të ndryshojnë stil të jetës, dhe kjo pajisje mund tu ndihmoje të kenë ditë më të mirë, gjithashtu përmirëson në konsolidimin e memories së dobët.

 

Hulumtimet në të ardhmen mund të sugjerojnë mënyra më inovative për thjeshtësimin e gjumit.

Aurore Perrault nga Universiteti Concordia në Montreal së fundi ka testuar një shtrat të butë lëkundës që tundej mbrapa dhe para çdo katër sekonda.

Ajo thotë se kjo teknikë është inspiruar nga një foshnje e porsalindur e një kolegeje, duke e bërë të mendojë nëse të rriturit mund të përfitojnë nga lëvizje të buta.

Sigurisht, kjo i futi ata më shpejtë në fazën e valëve të ngadalta, dhe qëndruan më shumë në atë cikël të rëndësishëm për gjumin, pasi valët e trurit u sinkronizuan me lëvizje nga jashtë.

Ata madje treguan se u ndien më të relaksuar gjatë natës, e shoqëruar edhe me të mbajturit mend.

“Kjo ishte qershia mbi tortë,” thotë Perrault.

Ajo është e interesuar nëse kjo do i ndihmonte të vjetërit, sepse me kalimin e moshës ne qëndrojmë më pak në fazën e gjumit me valë të shkurtëra, e që do kontribuonte edhe në problemin e kujtesës.

 

“Është gjë shumë e mirë që  po provohet çdo herë e më shumë stimulimi nga jashtë, sepse ne e dimë që ka ndikim në gjumin tonë”.

 

Në të ardhmen do të ishte interesante nëse thjeshtëzimi i gjumit do sillte përfitime afatgjate, ne e dimë se humbja kronike e gjumit mund të rrisë rrezikun për diabet dhe Alzheimer-por është e paqartë nëse këto teknika do të ndihmonin në uljen e  këtyre rreziqeve.

Tani për tani mënyra e vetme për të garantuar përfitime të gjumit-si afatgjatë dhe afatshkurtër, është të siguroheni se po e flini mjaftueshëm. Ju duhet të përpiqeni të flini më herët, shmangni alkoolin, kafeinën, dhe kohën para mjeteve teknologjike para se të shkoni në shtrat-faktorë këta të njohur për dëmtim të kualitetit të gjumit tonë.

Trutë tanë nuk mund të funksionojnë pa rimbushje, dhe kushdo që shpreson për një jetë të shëndetshme, produktive dhe të lumtur, duhet ta dinë këtë fakt.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close