fbpx

Britani: Johnson fiton shumicën, “rebelohet” Skocia: Nuk na nxirrni dot nga BE

Boris Johnson tha se shpreson që fitorja e jashtëzakonshme e partisë së tij do t’i japë një fund debatit për Brexit-in dhe do të hapë rrugën për shërimin e vendit, shkruan Top Channel, transmeton Portalb.mk.

Duke folur në Downing Street, ai tha se do të kërkonte të justifikonte besimin që i ishte dhënë edhe nga mbështetësit e laburistëve që kanë votuar konservatorët për të parën herë.  Ai tha se nuk do të injorojë as ata që kundërshtojnë Brexit-in ndërkohë që ndërton me Evropën një partnership me të drejta sovrane.

“Nëse pyesni veten se çfarë do të bëjë kjo qeveri e re, çfarë do të bëj unë me këtë mazhorancë të jashtëzakonshme, këtë do t’ua tregoj unë: ne do të bashkohemi, do të mbledhim bashkë të gjithë Mbretërinë e Bashkuar, Anglinë, Skocinë, Uellsin, Irlandën e Veriut dhe do të ecim përpara duke shpalosur fuqinë e një vendi të bashkuar”, është shprehur Johnson.

Konservatorët fituan një shumicë prej 80 deputetësh, më e madhja në Dhomën e Komuneve që nga viti 1987.  Numri i deputetëve konservatorë llogaritet të jetë 365 ndërsa laburistët morën 203, SNP 48, liberal demokratët 11 dhe DUP 8.

Por ndërsa Johnson thotë se kjo shumicë i jep mandatin për të finalizuar Brexit-in, Skocia, ku partia kombëtare e Nicola Sturgeon ka fituar shumicën, thotë se është kundër Brexit. Kryeministrja skoceze tha se se Boris Johnson nuk ka mandat ta nxjerrë Skocinë nga Bashkimi Evropian duke shtuar se ajo do të kërkojë një tjetër referendum për pavarësinë, pasi humbi në atë të 2014-ës.

“Unë pranoj me keqardhje se ai ka një mandat për Brexit-in në Angli, por nuk ka mandat për ta nxjerrë Skocinë nga Bashkimi Evropian. Nëse ai këmbëngul për të ecur përpara, ai do të godasë idenë që supozohet se mban bashkë Mbretërinë e Bashkuar; idenë që unioni është një partnership vendesh të barabarta”, ka thënë Sturgeon.

Fitorja e Johnson është pasuar me një mori reagimesh nga jashtë.

Për presidentin amerikan, tani Britania dhe SHBA do të mund të lidhin një marrëdhënie të re, pas Brexit.

“SHBA dhe Britania mund të lidhin një marrëveshje të re që ka potencialin të jetë më e madhe dhe më fitimprurëse se çdo marrëveshje me BE. Festoni për Borisin”, shkkroi ai në Twitter.

Ndërsa për liderët e BE, presin tani që marrëveshja për tërheqjen e Britanisë nga blloku të finalizohet, dhe premtojnë bashkëpunim të frytshëm edhe në të ardhmen.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close