Bora e parë arriti, teleferiku me gjashtë ulëse në “Kodrën e Diellit” ende nuk është gati
Teleferiku me gjashtë ulëse në “Kodrën e Diellit” premtohet plot pesë vite. Edhe pse bora e parë ka rënë dhe ditët e hapjes së sezonit dimëror po afrohen, ky teleferik ende nuk është lëshuar zyrtarisht në përdorim. Ministri Bekteshi u shpreh optimist se i njëjti së shpejti do të vendoset në funksion, kurse nga “Elem Turs”-i mbeten me arsyetimin e njëjtë tash 6 muaj, shkruan Portalb.mk.
Edhe pse premtimi për vendosjen në funksion të teleferikut me gjashtë ulëse në “Kodrën e Diellit” i mbush plotë pesë vite, personat kompetent nuk hezitojnë që të njëjtin premtim ta përsërisin në secilin prononcim të tyre për këtë temë.
Në një prononcim për Portalb.mk, Ministri i ekonomisë, Kreshnik Bekteshi u shpreh optimist se skiatorët e “Kodrës së Diellit” do ta kenë në funksion teleferikun me gjashtë ulëse për sezonin 2019/2020.
Por, edhe pse u kërkua nga redaksia jonë, ministri Bekteshi nuk premtoi që në afat prej 15 ditësh ta bëje publike dokumentacionin për lëshimin në funksion të teleferikut.
“Teleferiku me gjashtë ulëse është e sigurt që do të vendoset në funksion, me fillimin e sezonit dimëror ai do të jetë aty. Sezoni ende nuk ka filluar, “Elem Turs”-i është duke i bërë përgatitjet e fundit dhe ai teleferik do të jetë shumë shpejt gati për skiatorët të cilët skijojnë në “Kodrën e Diellit”” tha Kreshnik Bekteshi.
Ka 6 muaj që arsyetimi për mos lëshimin në funksion të këtij teleferiku nga ana e “Elem Turs”-it është identik. Sipas tyre, procedura për lëshimin e tij “ka ngecur në çështje administrative”.
Kontrata për ndërtimin e teleferikut është nënshkruar në vitin 2014, ndërtimet e teleferikut kanë filluar në qershor 2016 por Inspektorati Shtetëror i Mjedisit Jetësor shkaku i disa parregullsive, solli vendim për ndërprerjen e punimeve në korrik 2016. Punimet rifilluan në korrik të vitit 2018.
Ndryshe, që nga viti 2012 e deri më sot diskutohen problemet e shumta dhe të njëjta me të cilat përballet “Kodra e Diellit”. Dikur ishte qendër skijimi e njohur në rajon dhe më gjërë. Në të ishte investuar në infrastrukturë, ka pasur gara skijimi me garues nga e tërë bota dhe ishte destinacion i preferuar për shumë aplinistë dhe skijator. Sot, ka ngelur vetëm dëshira e madhe e turistëve skijator për ta parë këtë qendër të zhvilluar si dikur.
- ELEM LEXO: Kodra e Diellit, Zaevi hodhi poshtë njërën nga tre alternativat e analizës së fizibilitetit
- LEXO: Ish drejtori i Kodrës së Diellit: Studimi i fizibilitetit plagjiaturë e përpunuar edhe aspak serioze
- LEXO: SKANDAL: Edhe pse u ftuan, gazetarët nuk u lejuan të marrin pjesë në prezantimin e studimit të fizibilitetit për Kodrën e Diellit
- LEXO: Analizat për Kodrën e Diellit kanë ngecur në procedurat e bartjes mes institucioneve
- LEXO: Kodra e Diellit: Bekteshi dhe Elem Turs thonë se teleferiku me gjashtë ulëse do të jetë gati në sezonin e ardhshëm
- LEXO: Kodra e Diellit, çfarë duhet të bëhet më tej?
- LEXO: Filloi asfaltimi i kilometrit të fundit të rrugës Tetovë – Kodër e Diellit, “Ta Shpëtojmë Kodrën e Diellit” ka kërkesa të reja
- LEXO: Është shkelur afati kohor për asfaltimin e kilometrit të fundit të rrugës Tetovë-Kodra e Diellit
- LEXO: ELEM TURS ka pranuar analizën financiare “due diligence” për Kodrën e Diellit, radhën e ka ELEM dhe Qeveria
- LEXO: 1 kilometra rrugë për në Kodrën e Diellit ka mbetur pa asfaltuar sepse askush nuk merr përgjegjësinë ndaj saj (VIDEO)
- LEXO: Kodra e Diellit: U tha se do të jetë gati në fillim të korrikut, teleferiku me gjashtë ulëse ka ngecur në procedura administrative
- LEXO: Si në 20 vitet e fundit u bë rrënimi i Kodrës së Diellit?
