Kështu do të duken ndërtesat e ndërtuara nga Pacollit për shqiptarët e prekur nga tërmeti (FOTO)

Behgjet Pacolli, biznesmeni dhe zv.kryeministri në largim prezantoi projektin për realizimin e premtimeve që i ka bë për sanimin e dëmeve të shkaktuara nga tërmeti i 26 nëntorit në Shqipëri, transmeton Portalb.mk.

Ai ka treguar se tashmë është përcaktuar edhe vendi, Thumana.

“Të dashur miqtë e mi,
Me një shpejtësi rekorde përfundoi projekti i ndërtesave me apartamente moderne, që do të ndërtohen në Thumanën e goditur nga tërmeti rreth 3 javë më parë. Tani është çdo gjë gati për të filluar ndërtimi, i cili do të financohet komplet nga familja Pacolli, nëpërmjet fondacionit “Behgjet Pacolli”. Falënderoj të gjithë grupin që punuan në punët pregaditore dhe projektuese”, deklaroi Behgjet Pacolli.