A po ju vjen fundi lëkundjeve të tokës? Flasin ekspertët e qendrës sizmiologjike
Me siguri, pas këtyre ditëve të vështira e tërmetit të fuqishëm të mëngjesit të 26 nëntorit që goditi befasisht Shqipërinë, ky është një lajm i mirë! Nuk është hamendësim, por konstatim i ekspertëve të fushës dhe qendrës së sizmiologjisë Europiane-Mesdhetare, shkruan Class.
Kjo qendër ka arritur në përfundimin se aktiviteti i lëkundjeve të tokës do të rikthehet në nivelin normal. “Siç mund ta shohim (tabela sipër), vala e pasgoditjeve të tërmetit shkatërrimtar për Shqipërinë po vjen duke u shuar”, ka theksuar kjo qendër në postimin e saj në Twitter.
Por kujdes, sipas këtij institucioni shkencor jo gjithçka mund të quhet lehtësisht e përfunduar: “Edhe pse një pasgoditje e fortë është gjithmonë e mundshme përgjatë javëve dhe muajve që pasojnë, aktiviteti do të rikthehet në nivelin normal”, thonë ekspertët e qendrës.
Le të shpresojmë dhe lutemi bashkarisht që nuk do të ketë më një 26 nëntor të dytë me pasoja fatale në jetë njerëzisht dhe pasoja shkatërrimtare në godina, pallate, shtëpi, institucione, kudo!