Çavkov e ka kontestuar Ligjin për Amnesti për “27 prillin”, Kushtetuesja dha mendim negativ

Gjykatësi kushtetues, Vlladimir Stojanovski, si gjykatës raportues, ka dhënë mendim negativ për kërkesën e ish drejtorit të Byrosë për Siguri Publike (BSP), Mitko Çavkov, i cili e konteston Ligjin për Amnisti të vitit 2018-të për ngjarjet e përgjakshme të 27 prillit në Kuvend, njofton Portalb.mk.

Sipas Çavkovit, kontestuese është ajo që bëhet fjalë për ngjarje të njëjtë penale, ndërkaq nuk ka barazi në amnistinë, si akt mëshire nga shteti, gjegjësisht disa janë falur, ndërkaq disa nuk janë falur për të njëjtën ngjarje.

Gjykatësi Stojanovsk itha se Gjykata Kushtetuese nuk mundet të vendoset në rolin e Kuvendit dhe të caktojë se kush duhet të amnistohet.

“Gjykata Kushtetuese nuk mund të vendoset në vendin e Kuvendit dhe ta kryejë rolin e saj për atë se disa kanë të drejtë, dhe disa nuk kanë të drejtë për amnisti. Autorizimi kushtetues i Kuvendit është e drejtë e saj që ta caktojë llojin dhe nivelin e amnistisë, tha Stojanovski.

Ndryshe, të akuzuarit për ngjarjen e përgjakshme të “27 Prillit” janë shpallur fajtorë për veprën penale “rrezikim terrorist të rendit kushtetues”, me 211 vjet burg: 

  • Mitko Çavkov: 18 vjet burg
  • Mitko Peshov: 15 vjet burg
  • Dushko  Llazarov: 15 vjet burg
  • Goran Gjoshevski – Levi: 15 vjet burg
  • Jane Çento: 15 vjet burg
  • Vllatko Trajkovski: 15 vjet burg
  • Munir Pepiq: 15 vjet burg
  • Nikolla Mitrevski – Kolo: 15 vjet burg
  • Vilijam Mihajllovski: 14 vjet burg
  • Oliver Popovski: 13 vjet burg
  • Gorançe Angellovski: 12 vjet burg
  • Igor Jug: 12 vjet burg
  • Mlladen Dodevski: 12 vjet burg
  • Oliver Radullov: 10 vjet burg
  • Aleksandar Vasilevski – Ninxha: 8 vjet burg
  • Abdulfetah Alimi: 7 vjet burg.

Deputetë që ndihmuan në hapjen e dyerve  u amnistuan, ndërkaq për organizatorët e sulmit, si për ish kryetarin e Kuvendit, Trajko Veljanovski, ish ministrat, Mile Janakieski dhe Spiro Ristovski. Pjesë e këtij grupi është edhe ish lideri dhe deputeti i VMRO-DPMNE-së, Nikolla Gruevski, i cili, para se të marrë njoftimin për ta vuajtur dënimin e shqiptuar në rastin e Prokurorisë Speciale Publike (PSP), u arratis në Budapest të Hungarisë, ku edhe ka kërkuar azil.

Lajme të ngjashme

Leave a Reply

Your email address will not be published. Required fields are marked *

Back to top button