Pompeo: SHBA e deponoi protokollin për NATO, Maqedonia e Veriut tani është një hap më afër Aleancës
Shtetet e Bashkuara e kanë depozituar protokollin e ratifikuar për anëtarësim të Maqedonisë së Veriut në NATO. Këtë e bëri të ditur sekretari shtetëror Majk Pompeo në faqen e tij në Twitter, transmeton Portalb.mk.
Pleased to announce the United States deposited its ratification of North Macedonia’s @NATO Accession Protocol. One step closer to welcoming #NorthMacedonia as NATO’s 30th Ally! #WeAreNATO, and we are #AlliedStrong.
— Secretary Pompeo (@SecPompeo) December 2, 2019
“Me kënaqësi ju njoftoj se Shtetet e Bashkuara tanimë kanë depozituar protokollin e ratifikuar për anëtarësim të Maqedonisë së Veriut në NATO. Tani jemi një hap më afër anëtarësimit të plotfuqishëm të Maqedonisë si shtet i 30-të në NATO” tha Shefi i Diplomacisë Amerikane.
Senati amerikan e ratifikoi protokollin për anëtarësim të Maqedonisë së Veriut në NATO me datë 22 tetor të këtij viti.
Nga anëtarësimi i plotë, Maqedoninë e Veriut e ndan vetëm një ratifikim, marrë parasysh se për dhjetë muaj protokollin për anëtarësim të vendit në NATO e kanë ratifikuar 28 nga 29 shtete anëtare.
Pritet gjithashtu që në samitin e NATO, i cili do të mbahet nesër dhe pasnesër në Londër, në deklaratën përfundimtare të theksohet se Maqedonia e Veriut është e mirëpritur si shtet anëtar i 30-të në NATO.
