Hong Kong, numër rekord i votuesve në zgjedhjet lokale
Votuesit kanë dalë në numër rekord për të hedhur votën e tyre në zgjedhjet lokale në Hong Kong.
Deri në kohën e drekës, numri i votuesve tashmë ka tejkaluar totalin e zgjedhjeve të 2015-ës. Zgjedhjet shihen si një provë e mbështetjes për udhëheqësen e Hong Kong, Carrie Lam, transmeton Klan Kosova.
Grupet e protestuesve pro-demokracisë shpresojnë se votimi do t’i dërgojë një mesazh qeverisë kineze pas pesë muajve trazira dhe protesta antiqeveritare.
Gjatë zhvillimit të procesit zgjedhor, grupet protestuese pro-demokracisë u kishin kërkuar njerëzve që të mos shkaktonin përçarje.
Asnjë telashe nuk është raportuar deri më tani.
Një numër rekord prej 4.1 milionë persona janë regjistruar për të votuar – më shumë se gjysma e popullsisë prej 7.4 milionë.
Më shumë se 400 anëtarë do të zgjidhen në këshillin e distriktit të Hong Kong-ut.
Aktivistët pro-demokracisë shpresojnë se do të jenë në gjendje të rrisin përfaqësimin e tyre në këshill, i cili tradicionalisht ka njëfarë ndikimi në zgjedhjen e kreut të Hong Kong-ut.
