U takuan Sela dhe ambasadori francez Timonie, këto janë temat që u diskutuan
Ziadin Sela, kryetari i partisë opozitare Aleanca për Shqiptarët (ASH) ishte në vizitë zyrtare në Ambasadën e Francës, ku u takua me ambasadorin Kristian Timonie, transmeton Portalb.mk.
“U bisedua për qëndrimin e Francës ndaj Maqedonisë së Veriut dhe Shqipërisë sa i përket rrugës së tyre drejt BE-së dhe “NonPaper-in” e ri të Francës për politikat e zgjerimit të Bashkimit Europian”, theksohet nga ASH-ja.
Sela në takim theksoi se Shqipëria dhe Maqedonia e Veriut nuk duhet të ndahen në procesin eurointegrues.
Gjithashtu edhe ASH-ja e njoftoi ambasadorin për qëndrimin e tyre ndaj këtyre temave të caktuara, duke theksuar shtetin e së drejtës dhe sundimin e ligjit.
