Prokuroria ngrit aktakuzë ndaj një gruaje të kthyer nga Siria

Prokuroria Speciale e Kosovës, ka ngritur aktakuzë ndaj F.Z., mbi dyshimet për veprën penale – organizim dhe pjesëmarrje në grup terrorist.

F.Z, akuzohet se në vitin 2014 me vetëdije kishte udhëtuar drejt Sirisë për tu bërë pjesë e grupit militant Shteti Islamik.

Sipas Prokurorisë Speciale, F.Z, më 23.08.2014, përmes Aeroportit Ndërkombëtar “Adem Jashari“ në Prishtinë kishte udhëtuar drejt shtetit të Turqisë me qëllim të kalimit në Siri dhe Irak.

Prokuroria thotë se F.Z, pas arritjes në Turqi kishte “për qëllim që t’i bashkëngjitet organizatës terroriste “ISIS”, e cila ishte duke luftuar dhe shkaktuar akte dhune, nga maltretimet deri te vrasjet, në këto shtete”, thuhet mes tjerash në njoftimin e Prokurorisë Speciale të Kosovës.

Në muajin prill të këtij viti, institucionet e Kosovës kthyen nga Siria 110 kosovarë në mesin e tyre katër luftëtarë, 32 gra dhe 74 fëmijë.

Para pak ditësh për ministri i Brendshëm në detyrë i Kosovës, Ekrem Mustafa konfirmoi për REL, se institucionet janë duke u përgatitur për kthimin e kosovarëve të tjerë që kanë mbetur ende në territorin e Sirisë.

Lajme të ngjashme

Leave a Reply

Your email address will not be published. Required fields are marked *

Back to top button