Zjarret në Australi: Dy të vdekur, shtatë të zhdukur dhe 100 shtëpi të shkatërruara

Dy njerëz kanë vdekur, shtatë janë zhdukur, 35 u plagosën dhe më shumë se 100 shtëpi janë shkatërruar nga zjarret që janë përhapur në bregdetin lindor të Australisë nga thatësira, thanë zyrtarët të shtunën.

Kryeministrja e shtetit të New South Wales, Gladys Berejiklian, u tha gazetarëve se numri i viktimave mund të rritet gjatë gjithë ditës, njofton Klan Kosova.

Ajo thotë se kushtet e zjarrit kanë qenë “të pashembullt” me më shumë se 70 zjarre që ende digjen në të gjithë shtetin, me të paktën pesë që janë të shpallur në gjendje të emergjencës.

“Fatkeqësisht, ajo që pamë dje (e premte) ishin kushte të paprecedentë të zjarrit. Sot, ka më shumë se 70 zjarre që digjen në të gjithë shtetin (Uellsi i Ri Jugor), më shumë se 40 të pakontrolluara dhe të paktën pesë në nivelin e emergjencës”.

“Por çfarë ka qenë tragjike gjatë pak kohëve të fundit është konfirmimi se dy jetë kanë humbur, janë të paktën shtatë persona të humbur dhe më vjen keq të them që numri mund të rritet gjatë ditës. Mendimet dhe lutjet tona, natyrisht, shkojnë për familjet dhe të dashurit e atyre dy personave të ndjerë. Unë do të kërkoj nga Komisioneri i Shërbimit të Zjarrfikësve të sigurojë detaje të mëtejshme në lidhje me këtë. Parashikimi i kushteve të motit të martën mund të nënkuptojë se gjendja jonë nuk do të përkeqësohet më tej”.