Auditimi i RMV-së ka mbetur pa kokë në mengenenë partiake të LSDM-së dhe BDI-së

F. C. 21:00, 08-11-2019

Pas konfrontimit publik të partnerëve qeveritarë për zgjedhjen e kreut të Entit shtetëror për auditim, LSDM dhe BDI, siç ka mësuar NOVA, kanë paraqitur deri te kryetari i parlamentit, Talat Xhaferi, një kërkesë për të publikuar thirrje për zgjedhjen e një zëvendës-drejtori të këtij institucioni, njofton NOVA.

Projekt-vendimin, të cilin ia kanë dorëzuar para dy ditësh Kryetarit të Kuvendit Talat Xhaferi e kanë nënshkrua koordinatorët e grupeve parlamentare të LSDM-së dhe BDI-së Jovan Mitreski dhe Ejup Alimi.

“Parlamenti duhet të zgjedhë një zëvendës të ri të auditorit shtetëror për shkak të skadimit të mandatit të zëvendësit. Prandaj, propozojmë që Kuvendi të marrë vendim për të publikuar shpallje publike për zgjedhjen e Zëvendës Auditorit të Shtetit “, thuhet në projekt vendim.

Kandidatët të cilët do të aplikojnë për pozicionin e Zëvendës Auditorit të Përgjithshëm duhet të kenë kryer shkollim të lartë – në drejtësi ose ekonomi, të kenë përvojë shtatë vjeçare në fushën e ekonomisë dhe ligjit, certifikatë që njihet në nivel ndërkombëtar për njohje të gjuhës angleze. Gjithashtu, ndër kushtet që kërkohen, theksohet se zëvendësi nuk guxon të jetë anëtar i ndonjë partisë, as anëtar i bordit të drejtorëve ose bordit mbikëqyrës, ndërsa konkursi do të zgjasë 15 ditë pasi të shpallet nga Kuvendi, transmeton Portalb.mk.

Propozimi për të zgjedhur zëvendës është dërguar te Xhaferit pesë ditë pasi në komisionin parlamentar për zgjedhje dhe emërime dështoi përpjekja për zgjedhjen e drejtorit të ri të auditorit shtetëror. Në këtë seancë LSDM-ja e propozoi Adem Curri, BDI-ja zëvendësin e këtij Naser Ademi, VMRO DPMNE nuk votoi për asnjë kandidat, ndërsa BESA e mbështeti propozimin e LSDM-së.

BDI atëherë deklaroi se Enti Shtetëror i auditimit kishte marrë nota të shkëlqyera nën udhëheqjen e Ademit dhe për këtë arsye ai duhet të vazhdojë të udhëheq institucionin, ndërsa LSDM u përgjigj se “BDI duhet të gjejë për kandidatin e saj pozicion të përshtatshëm diku tjetër”.

Pas mosmarrëveshjes së drejtpërdrejtë dhe publike në komisionin për zgjedhje dhe emërime, LSDM dhe BDI tani nuk komentojnë nëse dy funksionet kryesore të Entit shtetëror të auditimit (drejtori dhe zëvendësi) do të votohen në një paketë, pra nëse ka ndonjë kompromis në propozimin e përbashkët për të publikuar një shpallje edhe për zëvendësdrejtorin. Të dy palët ritheksojnë vetëm se janë të vetëdijshëm për rëndësinë e këtij institucioni dhe se problemi duhet të tejkalohet sa më shpejt që mundet, por asnjë zgjidhje nuk është akoma konkrete.

Agonia e zgjedhjes së një drejtori të ri të Entit shtetëror për auditim po zgjatë plot dy vjetë. Shpallja për emërimin e një drejtori të ri u botua në Gazetën zyrtare dy vjet më parë, më 22 dhjetor 2017. Dhe që prej asaj kohe, zgjedhjet janë vonuar vazhdimisht deri sa të mbarojë mandati i zëvendësministrit Naser Ademi – i cili deri më tani ka qenë një nënshkrues dhe kryente detyrën e auditori kryesor, i cili përfundoi zyrtarisht një muaj më parë, më 4 tetor.

Ndërkohë, pas dorëheqjes së deputetit Vesel Memedi, qeveria e humbi edhe shumicën në Komisionin për zgjedhje dhe emërimeve të cilin e drejtuar Ilija Dimovski nga VMRO-DPMNE, gjë që e bëri të vështirë thirrjen e seancës, por edhe kur seanca caktohej, qeveria kërkonte ajo të shtyhet për shkak të shumicës së e paqëndrueshme.

Stafi i EShA me apel: Pa nënshkrues ky institucion është i bllokuar

Publiku vazhdimisht e ka theksuar nevojën për të zgjedhur drejtor të këtij institucioni jashtëzakonisht të rëndësishëm, i cili e kontrollon shpenzimin e parave nga funksionarët shtetërorë dhe i cili ka arritur të ruajë integritetin në një kohë kur shumë institucione të tjera që kanë pasur për detyrë të alarmojnë për veprime të kundërligjshme. Sidoqoftë, përveç publikut profesional, apel deri te të gjitha institucionet ka bërë edhe stafi i Entit shtetëror për auditim.

Në një letër drejtuar gjithë udhëheqjes së shtetit ata thonë se “funksionimi i këtij institucioni është i bllokuar”.

– EShA duhet të mbetet jashtë politikës dhe pazareve partiake, thonë auditorët dhe të paralajmërojnë se shtyrja e përzgjedhjes do të rrezikonte punën e përgjithshme të Entit për këtë vit sepse:

Nuk do të mund të parashtrohen raportet përfundimtare te subjektet për auditimet e realizuara që aktualisht janë në draft version,
Në rrjedhe e sipër është realizimi i auditimeve, për të cilat nuk do të mund t’u dërgohen raporte subjekteve dhe palëve të interesuara;
Për shkak të pamundësisë për t’u paralajmëruar deri te subjektet e auditimit, nuk do të mund të fillojnë auditimet në bazë të Programit Vjetor 2019,
Realizimi i angazhimeve që janë marrë përsipër dhe aktiviteteve për bashkëpunim ndërkombëtar me SAI-të e tjerë, dhe auditime (bashkëpunues, paralele) që janë jashtëzakonisht të rëndësishëm jo vetëm për EShA, por edhe për të gjithë vendin, sepse vetëm përmes tyre mund të krahasohen arritjet rreth një problemi të caktuar problemet në relacion me vendet e tjera,
nuk do të mund të miratohet Programi vjetor i punës së EShA për vitin e ardhshëm 2020;
Nuk do të mund të paguhen shpenzimet totale dhe shpenzimet tjera themelore për funksionimin e institucionit, si dhe detyrime të tjera që rrjedhin nga kontratat e prokurimit publik,
Nuk do të mund të paguhen pagat (ose pensionimet) dhe për këtë punonjësit do të mbeten pa sigurime sociale dhe shëndetësore dhe detyrimet kreditore,
EShA nuk do të mund të përmbushë detyrimet e legjislacionit zgjedhor në lidhje me zgjedhjet e parakohshme parlamentare

Raporti i fundit i Auditimit është publikuar në 25 Tetor për Komunën e Strugës. Analiza e detajuar dhe pretendimet e auditorëve për mënyrën e shpenzimit të parave ishin baza që Komisioni Antikorrupsion të paraqesë një iniciativë në Prokurori për kallëzim penal kundër kryetarit Ramiz Merko për punë të paligjshme dhe kundër interesave të qytetarëve.

Merko ka marrë buxhet tre herë më të madh me llogari të bllokuar të Komunës

Të gjitha apelet dhe kritikat nga publiku profesional dhe auditorët deri tani nuk kanë arritur deri te partnerë qeveritarë – pavarësisht justifikimeve se kërkohet profesionist, vonimi i zgjedhjeve megjithatë flet për marrëveshje politike.

Auditori i Përgjithshëm duhet të identifikojë dhe paraqesë çdo parregullsi, raste të punës së paligjshme dhe raste të mundshme korrupsioni dhe abuzimi me detyrën. Qëndrimi ndaj këtyre institucioneve që duhet të jenë të pavarura është një provë e dëshirës së çdo qeverie për të qenë e nënshtruar kontrollit për atë se si i shpenzon paratë e qytetarëve.