Dy reporterët e Asamblesë së KiE: Formimi i Gjykatës Kushtetuese zbut tensionin politik
Dy raportuesit e Asamblesë Parlamentare të Këshillit të Evropës, Andrej Hunko dhe Joseph O’Reilly, kanë lëshuar një deklaratë të përbashkët pas vizitës që zhvilluan në Tiranë, ku u takuan me aktorët kryesorë politikë.
Hunko dhe O’Reilly theksojnë se krijimi i Gjykatës Kushtetuese mund të ndihmojë në zbutjen e tensionit politik në Shqipëri, si dhe shprehen optimist për premtimin që kanë marrë se institucionet e reja të drejtësisë do të ngrihen deri në fund të vitit, transmeton TCH.
Dy raportuesit e KiE shprehen kundër vendimit të opozitës për të djegur mandatet parlamentare, por nga ana tjetër bëjnë thirrje për më shumë përpjekje nga mazhoranca për vendosjen e një dialogu.
