Han: Është dëmtuar kredibiliteti i BE-së me vendimin për bisedime me Shkupin dhe Tiranën
Eurokomesari për zgjerim dhe fqinjësi të mirë, Johanes Han, sot në mëngjes për herë të fundit ka mbajtur fjalim përpara Komisionit për Punë të Jashtme në Parlamentin Evropian në cilësinë e ushtruesit të funksionit aktual, në debatin me fokus Ballkanin Perëndimor, njofton Portalb.mk.
Han edhe njëherë ka shprehur keqardhje që vendet anëtare të BE-së nuk kanë arritur konsensus në tetor për fillimin e bisedimeve për anëtarësim me Maqedoninë e Veriut dhe Shqipërinë dhe përsëri ka theeskuar se me atë i bëhet dëm i madh kredibilitetit të BE-së.
Ai vlerëson se BE-ja nuk mundet të lejojë që fillimisht të merret me punët e brendshme, ndërkaq madje pastaj t’i fillojë proceset në rajon, pasi që ka rrezik shumë të madh që në ndërkohë të ndodh regres reformues në vendet e Ballkanit Perëndimor.
“Kredibiliteti ka pësuar dëm të madh. BE në botë flet për sukseset e multilaterizmit dhe ne jemi fuqi udhëheqëse në të, por këtu nuk patëm sukses që të miratojmë vendim. Kredibiliteti jonë është dëmtuar”, u tha Han eurodeputetëve.
Ai rikujtoi se kredibiliteti i BE-së është njëri ndër vlerat më të mëdha.
“Ne dhamë garanci se kur do të plotësohet kriteret do të fillojnë bisedimet. Ne nuk i respektuam premtimet tona dhe shpresoj se vendimi do të rishikohet. Shumica e vendeve me vite shtyjnë për hapjen e bisedimeve”, theksoi Han.
