Para takimit me Zaevin dhe Ramën, Vuçiqi u shpreh entuziast për “Shengenin” ballkanik

Presidenti i Serbisë Aleksander Vuçiq gjatë një interviste për televizionin shtetëror të Serbisë, presidenti serb është ndalur edhe tek iniciativa për krijimin e Shengenit ballkanik dhe tek takimi i radhës qe do të ketë në Ohër me kryeministrin e Shqipërisë Edi Rama dhe atë te Maqedonisë se Veriut Zoran Zaev.

“Përfaqësuesi Special për dialogun Kosovë-Serbi Richard Grenell ka një energji të jashtëzakonshme dhe ka ide për ngritjen e gjendjes ekonomike në të gjithë Ballkanin. Një gjë e tillë mund të jetë një bazë për negociata shumë më serioze edhe për marrëveshje. Ndaj është e rëndësishme që të bisedoj me Edi Ramën dhe Zoran Zaevin, në mënyrë që të krijohen raporte sa më të mira në rajon”, është shprehur Vuçiqi.

Tre liderët do të takohen në Ohër për të konkretizuar hapat e radhës për marrëveshjen e Shengenit ballkanik, që u nënshkruar në Novi Sad ditë më parë.

Nisma synon të lehtësojë bashkëpunimin ekonomik mes vendeve të rajonit duke hequr barrierat doganore dhe duke mundësuar lëvizjen e lirë të njerëzve.

Kosova është shprehur kundër kësaj nisme që rrezikon krijimin e një ish-Jugosllavie që e dëshiron Serbia për të mbisunduar në të.

Lajme të ngjashme

Leave a Reply

Your email address will not be published. Required fields are marked *

Back to top button