Mihael Roth: Nuk do ta përmirësojmë Evropën me shkelje të fjalës sonë

Ballkani Perëndimor mbetet provë e qëndrueshmërisë për suksesin afatgjatë të paqes të modelit evropian. Nuk do ta përmirësojmë Evropën duke e shkelur fjalën tonë, thotë ministri shtetëror i Gjermanisë për Evropë dhe zv/ministër i Punëve të Jashtme, Mihael Roth në kolumnën e tij të publikuar në gazetën gjermane “Di Velt”, njofton Portalb.mk.

“Po, patjetër duhet që ta reformojmë Bashkimin Evropian (BE)! Por, thellimi i vonuar i BE-së nuk është në kundërshtim me zgjerimin e saj. BE më e madhe, e cila njëkohësisht do të jetë më e aftë për veprim, më me sovranitet dhe më demokratike, mund të krijojë më shumë siguri për qytetarët e saj. Për atë edhe presidenti i BE-Komisionit në ikje, Junker është plotësisht në të drejtë: “gabim historik” është që shefat e shteteve të qeverive të BE-së më 18 tetor kanë refuzuar që të japin dritë jeshile për fillimin e parashikuar të bisedimeve hyrëse me Shqipërinë dhe Maqedoninë e Veriut. Mossuksesi është për shkak të njëzëshmërisë së nevojshme”, shkruan Roth.

Ministri gjerman për Evropë thotë se qëllimi prioritar i BE-së patjetër të jetë që të bëhet gjithçka në Ballkanin Perëndimor për paqe, pajtim dhe demokraci. Në të kundërtën, ai thotë se rajonin do t’ia lëshojmë Rusisë, Kinës ose Turqisë.