Haradinaj vazhdon me akuza për shkëmbim territoresh
Kryeministri në detyrë i Kosovës, Ramush Haradinaj derisa ka bërë homazhe tek shtatorja e heroit Zahir Pajazit me rastin e ditëlindjes së tij, foli edhe rreth prezantimit të mbrëmshëm të ambasadores së Kosovës në SHBA, Vlora Çitaku në mbledhjes e Këshillit të Sigurimit, transmeton 21Media.
Haradinaj vazhdoi me akuza për idenë e shkëmbimit të territoreve ku sipas tij pro kësaj ideje përveç presidentit të Kosovës, Hashim Thaçi, kryeministrit të Shqipërisë, Edi Rama u rreshtua edhe ambasadorja kosovare, Vlora Çitaku.
