Al-Bagdadin e tradhtuan! Spiuni që vodhi mbathjet e liderit të Shtetit Islamik
Kurdët sirianë pretendojnë se kishin arritur të vendosnin një spiun në rrethin e brendshëm të Abu Bakr al-Bagdadi, i cili vodhi një palë mbathje të liderit të Shtetit Islamik për të vërtetuar identitetin e tij, çka do t’i jepte pastaj dritën jeshile sulmit kundër kryeterroristit, njofton TCh.
Forcat Demokratike Siriane (SDF) këmbëngulin se luajtën rol kryesor në gjurmimin e Bagdadit në një kompleks në veri të Sirisë, ku ai po planifikonte arratisjen përtej kufirit me Turqinë.
Donald Trump në këtë mënyrë e minimizoi rolin e SDF, që drejtoi fushatën ushtarake kundër Isis-it me trupat amerikane, por të cilën Trump e braktisi në fillim të këtij muaji duke urdhëruar trupat amerikane të largohen cka i hapi rrugën një sulmi turk kundër kurdëve sirianë.
“Që nga 15 maji, kemi punuar së bashku me CIA-n për të ndjekur Al Baghdadin dhe për të monitoruar nga afër,” tha Polat Can, një zyrtar i lartë i SDF në Twitter. “Një prej njerëzve tanë qe në gjendje të hynte në shtëpinë ku fshihej Al Bagdadi.
Ai i ndryshonte vendbanimet shumë shpesh dhe po përgatitej të transferohej në një vend të ri në Jerablus (në kufirin me Turqinë) “. Falë mbathjeve që ky person mori, u bë i mundur një test AND-je, dhe u vërtetua se bëhej fjalë saktësisht për kreun e shtetit islamik.
