Këto rrugë do të bllokohen në Shkup këtë fundjavë, ndryshime edhe në transportin publik

Nesër do të zhvillohen gara me vetura në disa rrugë të Shkupit, prandaj do të jetë i bllokuar qarkullimi nëpër ato drejtime, që nënkupton disa autobus të transportit publik do të ndryshojnë rrugën e zakonshme, transmeton Portalb.mk.

Ajo do të zhvillohet kah qarkorja para Radiotelevizionit të Maqedonisë, këtë fundjavë më 26 dhe 27 tetor, nga ora 7 deri në orën 17, stacionet e autobusëve në këtë zonë do të jenë jashtë përdorimit.

Siç informoi, Ndërmarrja publike qarkulluese – Shkup, linjat e autobusëve 12 dhe 73 në vend te “Panairi i Shkupit-T”, si stacion të fundit do ta shfrytëzojnë stacionin “Bit-pazar-Universiteti ‘Shën Kirili dhe Metodi’, stacioni i linjës 57, ndërsa si stacion fillestar do ta shfrytëzojnë stacionin “Bit pazar 5-QT Mavrovka”, stacion i linjës 2.