Rrugët e Shkupit do të pastrohen me 12 fshesa të reja elektrike me vakum
NP “Higjiena Komunale” – Shkup sot filloi përdorimin e 12 fshesave të reja të blera të dizajnuara për pastrim vakum, njofton Portalb.mk.
“Bëhet fjalë për makina ekologjike që punojnë me energji elektrike, kështu që nuk e ndotin ajrin . Fshesat elektrike do të përdoren për të ruajtur pastërtinë e hapësirave publike në qytetin e Shkupit. Gjatë ditës, ekuipazhet e kompanisë me fshesat e reja do pastrojnë Sheshin dhe rrugën Maqedonia, zonën në qendër të qytetit, Bulevardin Ilindenska dhe Bulevardin Partizanski Odredi “, thanë nga ndërmarrja.
