Pendarovski nesër në Shqipëri, takime me Ramën, Metën dhe Ruçin
Presidenti i Republikës së Maqedonisë së Veriut (RMV), Stevo Pendarovski nesër do të realizojë vizitën e parë të tij zyrtare në Shqipëri, transmeton Portalb.mk.
Ai do të marrë pjesë në Samitin e Paqes së Evropës Juglindore që do të mbahet në Tiranë, nën organizimin e Federatës Universale të Paqes.
Në vazhdën e pjesëmarrjes së tij në Samit, Pendarovski do të realizojë takime me kryeministrin e Shqipërisë, Edi Rama, me presidentin, Ilir Meta dhe me kryeparlamentarin, Gramoz Ruçi.
