fbpx

Kurti takoi kandidatët për deputetë nga komuniteti, boshnjak, egjiptian dhe ashkali

Kryetari i Lëvizjes Vetëvendosje, Albin Kurti së bashku me anëtarin e Kryesisë së kësaj lëvizjeje Xhelal Sveçla, kanë takuar kandidatët për deputetë nga komuniteti boshnjak, egjiptian dhe ashkali, Emilija Redžepi, Duda Balje, Artan Berisha, Veton Berisha dhe Hetem Arifi.

“Me përfaqësuesit e këtyre komuniteteve biseduam për mbarëvajtjen dhe rezultatin e procesit zgjedhor, për planet e qeverisë së re, sfidat dhe mundësitë e bashkëpunimit për shtetndërtim demokratik dhe progres socio-ekonomik”, thuhet në njoftimin e VV-së, transmeton Klan Kosova.

“Kryetari Kurti i njoftoi se prioritet i qeverisë së re do të jetë zhvillimi ekonomik që sjell punësim, luftimi i krimit të organizuar e korrupsionit institucional përmes gjyqësorit të drejtë, dhe politikat sociale që zbusin pabarazinë në shoqëri”.

Kurti thuhet se ka siguruar përfaqësuesit e komuniteteve që qeveria e tij do t’i trajtojë të gjithë qytetarët e Republikës në mënyrë të barabartë pavarësisht përkatësisë kombëtare.

Ai ka theksuar se përparimi i komuniteteve pakicë bëhet përmes zhvillimit ekonomik dhe se kjo do të jetë prioritet me qeverinë e re.

“Në përfundim të takimit shprehëm gatishmërinë për ta vijuar dhe zgjeruar komunikimin dhe bashkëpunimin mes nesh”.

Lajme të ngjashme

Leave a Reply

Your email address will not be published. Required fields are marked *

Back to top button