DASH-i i zhgënjyer me vendimin e BE-së për RMV-në dhe Shqipërinë
Moshapja e bisedimeve më Shqipërinë dhe Maqedoninë e Veriut ka sjellë edhe reagimin e Departamentit Amerikan të Shtetit, transmeton Portalb.mk.
Në një deklaratë për mediat, DASH thotë se SHBA është e zhgënjyer që Këshilli i Europës nuk pranoi të hapë negociatat e pranimit me Maqedoninë Veriore dhe Shqipërinë në samitin dy ditor.
DASH thekson se ShBA përkrah aspiratat e dy vendeve për anëtarësimin në BE dhe reformat e vazhdueshme për të mirën e qytetarëve të tyre.
Këmbëngulja e Francës, përkundrejt shumicës dërrmuese të vendeve anëtare të Bashkimit europian, bëri që sot Këshilli Europian të mos dalë me një vendim për hapjen e bisedimeve për anëtarësim me Shqipërinë dhe Maqedoninë e Veriut.
Për këtë temë vendet anëtare pritet të diskutojnë para samitit të Zagrebit, në maj të vitit të ardhshëm, por pa përcaktuar asgjë të qartë.
