Karakaçanov: Maqedonia e Veriut do të presë në paradhomë, nëse çështja e Goce Dellçevit nuk zgjidhet

Maqedonia e Veriut do të qëndrojë në paradhomë dhe do të presë, ka thënë zëvendëskryeministri dhe Ministër i Mbrojtjes, Krasimir Karakaçanov para gazetarëve të cilët e kishin pritur atë në qeverinë bullgare, ka njoftuar portali “Top Novini”(Top Lajme).  Ai ka porositur edhe se Maqedonia  kishte “bërë marrëzi të madhe” duke e shënuar 11 tetorin, njofton META, transmeton Portalb.mk.

Ai ka thënë edhe se ende nuk e ishte njoftuar për atë që është diskutuar në mbledhjen e fundit të Komisionit të përbashkët Bullgari-Maqedoni për çështjet historike, ndërsa në pyetjen nëse ekzistonte mundësia që çështja e Goce Delçevit të tejkalohet disi, ai ka thënë se kurrë nuk do të pajtohej për të bërë kompromis me historinë bullgare në emër të asaj që politikanët e Maqedonisë të shkojnë dhe të rrahin gjoks në Bruksel.

“Kur nuk ka më shanse – ata do të qëndrojnë në paradhomë dhe do të presin. Kurrë nuk do të pajtohem me faktin që të bëjmë kompromis me historinë bullgare në emër të në emër të asaj që politikanët e Maqedonisë të shkojnë dhe të rrahin gjoks në Bruksel”, tha Karakaçanov.

Sipas tij, disa ditë më parë Maqedonia e Veriut bëri një marrëzi të madhe duke e festuar “kryengritjen kundër okupimit fashist bullgar” më 11 tetor dhe duke pyetur veten pse maqedonasit nuk e festojnë 20 Prillin 1941 “,” kur i gjithë populli maqedonas i kishte përshëndet me bukë dhe kripë. ushtritë bullgare “.