Takimi Zaev-Hahn: Liderët të japin dritë të gjelbër për Maqedoninë e Veriut në BE
Zoran Zaev, kryeministri i Maqedonisë së Veriut dhe Komisionieri evropian për zgjerim, Johanes Hahn, sot në konferencën e mbajtur ë Bruksel kërkuan nga liderët evropian të marrin vendim për hapjen e negociatave për Maqedoninë e Veriut, transmeton Portalb.mk.
“Të nderuar liderë Evropian, mos i shuani yjet drejt të cilëve arrijmë, mos u bëni pengesa jonë, bëhuni heronjtë tanë. Rruga evropiane është rruga e vetme”, deklaroi Zaev.
Ai foli edhe për propozimin e vendeve anëtare që procesi i zgjerimit të BE-së duhet të reformohet.
“Megjithatë, jemi të sigurt se të dy proceset mundet dhe duhet të ecin paralel. Metodologjia mundet të zhvillohet dhe zbatohet, dhe kjo nuk pengon që Maqedonia e Veriut të marrë vendim pozitiv dhe menjëherë, për t’i filluar negociatat me BE-në për anëtarësim. Na duhet vendim pozitiv tash dhe menjëherë”, deklaroi Zaev.
Hahn gjithashtu kërkoi nga vendet anëtare që të marrin vendim për hapjen e negociatave për Maqedoninë e Veriut.
“Kërkojmë nga liderët të gjejnë mënyrë për të dhënë dritë të gjelbër për procesin që e kemi humbur para disa vjetëve, patjetër duhet të punojmë edhe në metodologjinë. Askush nuk është i përsosur, por duhet të punojmë për reformat në të ardhmen”, deklaroi Hahn.
- LEXO: Vendimi për fillimin e negociatave për RMV-në dhe Shqipërinë mbetet për në Samitin e BE-së
- LEXO: Holanda e bindur vetëm për RMV-në, Hani e ndez alarmin e ndikimit rus, kinez dhe turk
- LEXO: Mogherini: Liderët evropian të marrin vendimin e duhur për Shkupin dhe Tiranën
- LEXO: Dimitrovi për datën e BE-së: Nuk jemi perfekt, por punojmë që të jemi demokraci evropiane