Të dëmtuarit në aksidentin në Llaskarcë kanë paralajmëruar kërkesa pronësoro-juridike
Me deklarimet e të dëmtuarve sot, në Gjykatën themelore penale në Shkup, vazhdoi gjykimi lidhur me aksidentin e autobusit te Llaskarca, njofton NOVA.
Çështjen po e drejton gjyqtarja Dijana Gruevska Ilievska, ndërsa përfaqësues i prokurorisë publik është Darko Jakimovski.
Në seancën e sotme, disa nga përfaqësuesit ligjorë të viktimave, shumica e familjarëve të pasagjerëve të ndjerë, deklaruan se ata i bashkëngjiten ndjekjes penale dhe të gjithë paralajmëruar kërkesë pronësoro-juridike të kompensimit.
Për seancën tjetër, më 18 tetor, gjykata njoftoi se të ftohen të lënduarit e mbetur në proces, të cilët nuk u paraqitën në gjykatë, ndërsa të lënduarit e mbetur do të thirren për seancën në 31 tetor, në të cilën do të dëgjohen edhe si dëshmitarë të ngjarjes.
Për aksidentin e autobusit që ndodhi më 13 shkurt të këtij viti në afërsi të fshatit Laskarci, në të cilin jetën e humbën 16 persona, ndërsa 37 pësuan lëndime të rënda janë akuzuar gjashtë persona. Pronari i “Durmo Turs” Durmish Beluli dhe Remzi Miftari punonjës në këtë ndërmarrje, shoferi i autobusit Manoil Trifunovski dhe tre punonjës në stacionin e kontrollit teknik Igor Gjorgjievski, Goran Dukovski dhe Jane Bovarski.
Pronari i “Dormo Tours”, personi përgjegjës për transportin dhe shoferi ngarkohen për vepra serioze kundër sigurisë së njerëzve dhe pronës në trafik, ndërsa tre punonjësit në stacionin e kontrollit teknik për bashkëpunim në të njëjtën vepër.
