Senatori amerikan Graham “viktimë” e komedianëve rusë
Ligjvënësi amerikan Lindsey Graham ka rënë në kurthin e një talljeje të thirrjes telefonike nga komedianët rusë, njëri prej të cilëve është prezantuar si ministër i Mbrojtjes i Turqisë, raportoi të enjten faqja e internetit të lajmeve Politico, transmeton Anadolu Agency (AA).
Graham, një senator republikan, i cili herë pas here mbështetet presidentin e SHBA-ve, Donald Trump, u zhyt në biseda në gusht në lidhje me konfliktin në veri të Sirisë dhe blerjen e sistemit raketor rus nga Turqia.
Por, në vend që të fliste me ministrin turk të Mbrojtjes, Hulusi Akar, Graham ishte mashtruar nga Alexey Stolyarov dhe Vladimir Kuznetsov, humoristët e famshëm rusë të kurtheve telefonike që njihen si “Lexus dhe Vovan”.
“Ne kemi qenë të suksesshëm në ndalimin e shumë përpjekjeve të kurtheve tallëse të Graham dhe zyrës, por kjo kaloi përmes çarjeve”, tha zëdhënësi i senatorit Kevin Bishop për Politico. “Ata e kapën atë”.
Stolyarov dhe Kuznetsov kanë një histori të mashtrimit të politikanëve dhe figurave të famshmëve. Në mesin e viktimave të tyre ka qenë autori i këngëve Elton John dhe ligjvënësi demokrat amerikan Adam Schiff.
Sipas gazetës “The Guardian”, dyshja dyshohet se punon për inteligjencën e Kremlinit dhe Rusisë, duke ngritur shqetësimet se politikanët amerikanë kanë zbuluar pa dashur informacione të ndjeshme për Moskën.
Në një nga bisedat telefonike të regjistruara, e cila është në dispozicion në faqen e internetit Politico, Graham i referohet kurdëve si “kërcënim” për Turqinë, e cila bie në kundërshtim me komentet e tij publike këtë javë ndaj operacionit ushtarak turk në verilindje të Sirisë.
Duke besuar se ishte duke biseduar me ministrin turk të Mbrojtjes, Graham gjithashtu raportohet se shprehu shqetësime për blerjen e sistemit anti-raketor rus S-400 dhe largimin nga programi Pentagonit të avionit luftarak F-35.
