Zaev: Premtuam pilot-projekte, punësim të 300 pilotëve nuk ka as në Murtinon time

Kryeministri Zoran Zaev, megjithatë s’ka premtuar se në Haraçinë do të punësohen 300 pilotë prej atje, siç theksoi një nga banorët gjatë emisionit debativ “Klik-plus” në “TV21”, njofton Meta.mk.

“Në Haraçinë premtuam realizim të pilot-projekteve dhe ato së bashku me Komunën po realizohen. Punësim të 300 pilotëve nuk ka as në Murtinon time”, tha Zaev sot në pres konferencën e Qeverisë, duke u përgjigjur në pytjeve të gazetarëve.

Paraprakisht edhe nga LSDM-ja këtë e vlerësuan si lajm të rremë.

“Persona me kredibilitet të ulët, gënjejnë se u kemi premtuar që do të punësohen 300 pilotë, kjo nuk është e saktë. LSDM ashpër i demanton gënjeshtrat e shprehura në emisionin televiziv “Klik-plus” në TV21, se kinse banorëve të Haraçinës u është premtuar që do të punësohen edhe atë 300 pilotë. Kjo nuk është e saktë. Bëhet fjalë për lajme të rreme klasike, të shprehura nga personi Shabi Bilalli, person me kredibilitet të dyshimtë”, thuhet në demantin e LSDM-së.

Kurse nga ana tjetër “TV21” ka reaguar ndaj demantit të LSDM-së dhe thonë që:”ne s’i posedojnë resurset të cilat i ka LSDM për të verifikuar identitetin e ndonjë personi të caktuar dhe të dhënat për të në kohë reale, drejtpërsëdrejti, jashtë studiove të saja televizive, në komunën ku TV21 është mysafir.”

“Koncepti i “Odës” ndoshta duket i huaj, por ka rregulla edhe për nikoqirin, por edhe për mysafirët. Prandaj, reagimi i Lidhjes Social-Demokratike të Maqedonisë rreth transmetimit të asaj që e quan lajm të rremë” nga një person me kredibilitet të dyshimtë, sepse gënjen që banorëve u është premtuar punësim u 300 pilotëve” TV21 e konsideron si ofenduese dhe joetike”,  thuhet në demantin e televizionit.

Lajme të ngjashme

Leave a Reply

Your email address will not be published. Required fields are marked *

Back to top button