fbpx

Në Shkup filloi ndërtimi i kopshteve mbi shtëpi, qytetarët të interesuar

Në kuadër të projektit “Mos injoro! Reago”, udhëhequr nga Institutit për biologji dhe Instituti për studime në komunikim, do të ndërtohen dhjetë kopshte urbane, transmeton Portalb.mk.

Qëllimi i këtyre kopshteve urbane është si një masë e qytetarëve kundër ndotjes së ajrit, si dhe si një mundësi e mirë për të prodhuar perime sa më kualitative në afërsi të shtëpisë si dhe për gjelbërimin e hapësirave ku jetojmë.

Në kuadër të projektit, do të trajnohen qytetarët për mbjelljen dhe kujdesin e bimëve, por edhe do të monitorohen me qëllim që më pak të përdorin pesticide për kultivimin joorganik të bimëve.

Këto ide tashmë janë shumë funksionale nëpër vende e Evropës, duke krijuar kopshte gjithkund ku ekziston mundësia më e vogël.

Një nga dhjetë kopshtet që do të ndërtohet do të jetë në kulmin e një shtëpie në Marino të Shkupit, njëra do të jetë vertikalisht në një objekt në Novo Lisiçe, ndërsa tjerat nëpër oborret e shtëpive të ndryshme në Shkup.

Kopshti botanik po përgatit edhe rasatin i cili do të përdoret pastaj nga qytetarët gjatë rregullimit të kopshtit urban. Ndërkohë, qytetarët do të trajnohen se si të përgatitin tokën më pjellore për mbjelljen e bimëve.

Lajme të ngjashme

Leave a Reply

Your email address will not be published. Required fields are marked *

Back to top button