Buzaku ka paditur Rexhepin për shpërdorim të parave të haxhilerëve

R. B. 12:19, 04-10-2019

Skender Buzaku dorëzoi sot në Prokurorinë Themelore dëshmi për keqpërdorime të BFI-së nga ana e Sulejman Rexhepit, të parave të haxhilerëve për këtë viti në haxh. Sipas tij, dëshmitë tregojnë se janë marrë rreth 700 euro nga haxhilerët, sepse pagesën nuk e kanë bërë direkt në ministrinë për haxh por e kanë bërë përmes një agjencie e cila ndodhet me lokacion në Arabinë Saudite, njofton Alsat.

Ai paralajmëroi po ashtu se në javët e ardhshme do te dorëzojë edhe dëshmi të tjera, por nuk u përgjigj në pyetjen e gazetarëve nëse ato dëshmi përfshijnë edhe audio apo video incizime.

Rreth komenteve të djeshme të Sulejman Rexhepit ai tha se ato janë provokime përmes një gjuhe banale dhe ai asnjëherë nuk do të bjerë në një nivel të tillë.

Ai komentoi edhe vendimin e Gjykatës se Apelit, e cila e konfirmoi edhe një herë Sulejman Rexhepin në krye të BFI-së, duke hedhur dyshime mbi sistemin e drejtësisë për shkak se ligjërisht vendimi më parë duhet të kthehej në shkallën e parë edhe pastaj të informoheshin palët.