Gjykatësja Kacarska deklaroi se Jankulloskës nuk i është shkurtuar asnjë e drejtë

Dobrilla Kacarska, gjykatësja e rastit “Tanku” ka reaguar ndaj kërkesës së avokatit Vllatko Ilievski, për shkarkimin e saj, transmeton Portalb.mk.

“E gjithë ajo që është theksuar në kërkesën e tyre me shkrim është e pavërtetë totale. Të paktën ju përfaqësuesit e mediave e keni ndjekur se si vijuan ato gjykime. Debati, gjegjësisht lënda kur udhëhiqej fillimisht 59/17, aty ishte përfshirë edhe Gordana Jankulloska. Në asnjë moment nuk tha se është shtatzënë. Atë moment kur tha se është shtatzënë dhe u konfirmua shtatzënia e saj në interes të saj Gjykata e veçoi procedurën. Procedura duhej të ishte sërish tek këshilli i njëjtë pasi kjo është në pajtim me rregulloren e gjykatës”, tha Kacarska, duke e komentuar parashtresën e avokatit Vllatko Ilievski, bashkëshort i ish-ministres së Punëve të Brendshme, Gordana Jankulloska.

Kacarska sot ishte marrë në pyetje nga Këshilli gjyqësor, ndërsa Komisioni i Këshillit gjyqësor i ka 15 ditë për ta përgatitur raportin.

“Më duhet ta pranoj se nuk jam ndjerë mirë dhe jam e bindur se në asnjë vend demokratik për pohime të tilla në një kërkesë të tillë për shkarkimin e gjykatësit nuk është thirrur gjykatësi të merret në pyetje me orë dhe të ndjehet si në bankën e të akuzuarve. Ky është mesazh shumë i keq për gjykatësit e tjerë. Do të thotë se gjykatësit të cilët duhet të punojnë, të cilët do të punonin si unë pas skadimit të orarit të punës çdo ditë, të jetë në sallën e gjykatës. Do të thotë mesazhi është keni kujdes mos gjykoni si Kacarska, mund të thirreni në Këshillin gjyqësor dhe të mbroheni në njëfarë mënyrë”, tha Kacarska.

LEXO: Bashkëshorti i ish ministres Jankulloska, kërkoi shkarkimin e gjykatëses Kacarska