Florian Marku fitoi ndaj çekut në Londër, Xhaka dhe Mustafi e mbështetën në stadium

Boksieri shqiptar Florian Marku ka arritur të fitojë me vendim unanim ndeshjen ndaj çekut Miroslav Serban, të zhvilluar të premten mbrëma në Londër.

Marku triumfoi pas gjashtë raundeve të zhvilluar në sallën “York Hall” të kryeqytetit britanik, transmeton Top Channel.

Kundërshtari i Markut, 28 vjeçari Serban, në karrierën e tij në boks ka realizuar deri tani 15 ndeshje – duke përfshirë edhe ndeshjen ndaj Markut – nga të cilat ka arritur të fitojë 11. Kjo ishte humbja e katërt në karrierën e tij.

Në anën tjetër, Florian Marku, ka realizuar vetëm 4 ndeshje në boks pas sukseseve të mëparshme në kickbox, në të cilat nuk njeh ende asnjë humbje.

Interesimi për këtë meç ka qenë mjaft i madh dhe shumë shqiptarë kanë qenë prezent në eventin “UltimateBoxxer” në Londër. Në mesin e përkrahësve shqiptarë prezent në arenë kanë qenë edhe dy futbollistët, Granit Xhaka dhe Shkodran Mustafi./ Kosovapressz

Lajme të ngjashme

Leave a Reply

Your email address will not be published. Required fields are marked *

Back to top button