Të shtëna afër Shtëpisë së Bardhë, të paktën 1 i vdekur

Të paktën një person ka humbur jetën dhe pesë të tjerë janë plagosur si pasojë e një sulmi të armatosur në kryeqytetin e SHBA-ve, Washington, transmeton Anadolu Agency (AA).

Sipas raportimeve të medias lokale, policia ka njoftuar se të shtënat kanë ndodhur në zonën Columbia Heights, vetëm tre kilometra larg Shtëpisë së Bardhë.

Dy prej të plagosurve të shtruar në spital për trajtim raportohet të jenë në gjendje të rëndë.

Zyrtarët e policisë kanë njoftuar se sulmuesi ende nuk është kapur dhe se në vazhdim është një hetim lidhur me rastin.