Rritet numri i azilkërkuesve në Evropë

Zyra për Azil e Bashkimit Evropian (EASO ) thotë se numri i njerëzve që kërkojnë mbrojtje ndërkombëtare në vendet evropiane, u rrit për 26 për qind gjatë muajit korrik, shkruan REL.

EASO tha në një deklaratë se rreth 62.900 persona kërkuan azil gjatë muajit korrik.

“Numri është më i lartë se e njëjta periudhë e vitit të kaluar, por ende shumë më e ulët se nivelet e regjistruara më 2015 dhe 2016, kur mbi 1 milion migrantë hynë në Evropë, shumica e tyre të larguar nga konflikti në Siri dhe Irak”, thotë organizata.

Ky fluks i migrantëve pati shkaktuar një nga krizat më të mëdha të BE-së pasi vendet kishin kundërshtime se kush duhet të marrë përgjegjësinë për migrantët.

Sirianët, afganët dhe venezuelasit përbënin rreth një të katërtën e aplikantëve në muajin korrik.

Shumë të tjerë vinin nga Iraku, Pakistani, Turqia, Kolumbia, Irani, Nigeria dhe Shqipëria.

Lajme të ngjashme

Leave a Reply

Your email address will not be published. Required fields are marked *

Back to top button