Von der Leyen e mbron idenë e “Mënyrës Evropiane të Jetesës”
Presidentja e zgjedhur e Komisionit Evropian, Urusla von del Leyen, e mbrojti vendimin e saj për të emëruar në mesin e anëtarëve të rinj të KE-së një zyrtar përgjegjës për, siç thuhet, Mbrojtjen e Mënyrës Evropiane të Jetesës, edhe pse kritikët e cilësuan këtë si slogan të ekstremit të djathtë, njofton REL.
Von der Leyen reagoi pasi udhëheqësja e ekstremit të djathtë në Francë, Marine Le Pen, e cilësoi emërimin e ri si “fitore ideologjike”.
Von der Leyen postoi në Twitter një pjesë nga Traktati i Lisbonës, i cili thotë se Bashkimi Evropian është i bazuar në vlera që përfshijnë respektimin e dinjitetit njerëzor, lirinë, demokracinë, barazinë, sundimin e ligjit dhe të drejtat e njeriut.
“Mënyra evropiane e jetesës gjithashtu nënkupton të dëgjoni dhe debatoni me njëri-tjetrin për të gjetur zgjidhje për të mirën e përbashkët. Kjo është ajo që unë dua që ne të bëjmë së bashku”, tha ajo.
The European way of life also means listening and debating with one another to find solutions for the common good. This is what I want us to do together.
Read more?https://t.co/gRj4ZoNPNC pic.twitter.com/BjFatzvL1i— Ursula von der Leyen (@vonderleyen) September 16, 2019
Von der Leyen e emëroi grekun Margaritis Schinas, ish-anëtar i Parlamentit Evropian, komisionar për Mbrojtjen e Mënyrës Evropiane të Jetesës.
Ekipi i saj do të marrë detyrën më 1 nëntor.