Përsëri Fadil Bajrami emërohet zv.guvernator i Bankës Popullore në RMV
Fadil Bajrami, doktori i shkencave ekonomike do të vazhdon të jetë zëvendës guvernator i Bankës Popullore në Maqedoninë e Veriut edhe për një mandat, transmeton Portalb.mk.
Bajrami këtë post e ushtron nga viti 2005. Ndërsa tani me propozimin e guvernatores Anita Angelovska-Bezhoska, dhe aprovimin në seancën e 110-të të Kuvendit të RMV-së më 31 gusht, ai u emërua edhe për një mandat.
Ai deklaratën solemne e dha para kryetarit të Kuvendit, Talat Xhaferi.
“Banka Popullore shpreh kënaqësi që Kuvendi i Republikës së Maqedonisë së Veriut sërish me shumicë të madhe e ka përkrahur propozimin e guvernatores Anita Angelovska-Bezhoska”, thuhet në kumtesën e sotme të Bankës Popullore.
