fbpx

Angjushev: Një familje nuk mund të jetojë me 200 euro, paga minimale duhet të rritet

Ne si shtet duhet patjetër të tregojmë se duam t’i kursejmë familjet nga klasa më e ulët që marrin paga më të ulta, tha Zëvendëskryeministri Koço Angjushev në “Top Tema” në Tv Telma, transmeton Sloboden Peçat.

“Paga minimale përcaktohet në secilin vend. Javën e kaluar kemi pasur takime me dhomat e tregtisë. Ende nuk kemi përcaktuar një vlerë. Në periudhën e ardhshme do të kemi takime intensive për të diskutuar në mënyrë që të gjejmë një zgjidhje të pajtuar reciprokisht dhe ky nuk do të jetë një vendim i nxituar. Për të qenë i sinqertë, një familje nuk mund të jetojë me 200 euro në muaj dhe kur dy mund të punojnë. Në të gjitha vendet, paga minimale është për të mbrojtur kategoritë më të rrezikuara”, tha Angjushev.

Sipas presidentes së Federatës së Dhomave të Tregtisë, Danela Arsovska, paga minimale është e ulët, dhe në një kohë kur po bëhen reforma mini-taksash, një rritje e re mund të lëkundë tregun e punës.

“Patjetër të bëhet analizë sektoriale për t’u parë ku ka hapësirë për rritje. Të gjithë duan ta rritin atë, por shumë faktorë duhet të merren parasysh kur përcaktohet vlera e pagës minimale”, tha Arsovska.

Lajme të ngjashme

Leave a Reply

Your email address will not be published. Required fields are marked *

Back to top button