Shkarkimi i Janevës, është caktuar seanca plenare
Kryetari i Kuvendit të Maqedonisë së veriut, Talat Xhaferi, e ka nënshkruar vendimin me të cilin duhet që të diskutohet për shkarkimin e kryeprokurores speciale, Katica Janeva, njofton Portalb.mk.
Seanca për shkarkimin e Janevës është caktuar për nesër në ora 13:00.
Përndryshe, opozitarja VMRO-DPMNE, edhe sot ka reaguar për mosthirrjen e seancës plenare për shkarkimin Janevës.
“Dukshëm, data dhe koha për caktimin e seancës ruhet në fshehtësi të madhe, dhe parashtrohet pyetja: A do të caktohet ajo seancë? Megjithatë, ka edhe një çështje më të madhe, dhe ajo është: Deputetët e shumicës në pushtet, duan të veprojnë në mënyrë morale, etike, apo edhe sipas Rregullores? Sepse koha nga secili aspekt është kaluar”, tha Micevski.
Ky reagim i Miceskit vjen pasi që raporti i Këshillit të Prokurorëve Publikë për shkarkimin e Janevës, ka një javë që është miratuar nga Komisioni për Zgjedhje dhe Emërime i Kuvendit të Maqedonisë së Veriut. Shkarkimi i Janevës vjen pasi që, ajo është e dyshuar në rastin “Reket” të Prokurorisë Themelore Publike për ndjekjen e krimit të organizuar dhe korrupsionit.
Shkarkimi i Janevës në seancë plenare vjen pasi që Komisioni për Zgjedhje dhe Emërime javën e kaluar e miratoi raportin e Këshillit të Prokurorëve Publikë, me të cilin kërkohet shkarkimi i saj. Ajo është e dyshuar në rastin “Reket” të Prokurorisë Themelore Publike për ndjekjen e krimit të organizuar dhe korrupsionit.
Ndërkohë, ende nuk ka marrëveshje mes pushteti dhe opozitës për Ligjin për Prokurori Publike me të cilin definohet statusi i PSP-së. Nga kjo e fundit, pasi shprehën dje gatishmërinë që t’i dorëzojnë lëndët bashkë me dokumentet dhe dëshmitë në Prokurorinë Themelore Publike, ky proces ka filluar të zhvillohet sot.
- LEXO: Zhbogar tha se gjyqësori funksional është me i rëndësishëm se data e BE-së
- LEXO: PSP-ja: Jemi të gatshëm menjëherë t’i dorëzojmë lëndët me të gjitha dëshmitë
- LEXO: Opozita në Kuvend propozoi shkarkimin e Katica Janevës
- LEXO: Mickoski: Zaev nuk dëshiron marrëveshje për PTHP-në që të mos japë përgjegjësi për “Reket 2, 3, 4, 5”
- LEXO: Zaevi tregoi se çfarë kërkoi opozita dhe pushteti për PSP-në, detaje për Prokurorinë e re
- LEXO: Takim shtatë orësh pa marrëveshje, në lojë një prokurori e re që do të përndjekë pushtetin dhe opozitën