Opozita në Kuvend propozoi shkarkimin e Katica Janevës
Nikoll Micevski, deputeti nga partia opozitar VMRO-DPMNE sot në seancën e Kuvendit kërkoi shkarkim të prokurores speciale Katica Janeva, transmeton Portalb.mk.
Micevski me arsyetim se propozim-vendimi njëzëshëm është votuar nga të gjithë deputetët dhe nga të gjitha grupet e deputetëve të Komisionit për çështje të zgjedhjeve dhe emërimeve që u mbajt më 5 shtator dhe për shkak të faktit se kjo seancë është e fundit në afatin ligjor për skadim të mandatit të prokurores.
“Propozimi për shkarkimin e sotëm të Janevës është për t’u lënë hapësirë deri më 15 shtator të zgjidhet prokuror i ri special”, theksoi Micevski.
Deputetët e refuzuan propozimin për shkarkimin e Janevës të debatohet në seancën e sotme, me ç’rast deputeti Miceski sqaroi se arsyeja për kërkesën e shkarkimit është ajo që seanca e sotme është e fundit në afatin ligjor për shkarkimin e prokurores.
Në lidhje me shkarkimin e Katica Janevës, ka folur edhe Kryetari i Kuvendit Talat Xhaferi.
“Në të gjitha koordinimet e deritanishme dhe harmonizimet e partive politike, veçanërisht katër partitë më të mëdha politike, u pajtuam se për këtë çështje duhet të ketë seancë të veçantë edhe në atë kontekst dhe për atë arsye nuk është vendosur si pikë në rend të ditës”, sqaroi Xhaferi.
