Mesazhi i kryeministrit Zoran Zaev në kremtimin e Ditës së Pavarësisë së Maqedonisë së Veriut
Na pret luftë kundër ndotjes, varfërisë dhe korrupsionit, tha Zaev në kremtimin e ditës së pavarësisë.
Në kremtimin për Ditën e pavarësisë – 8 Shtatori në Parkun e Shkupit, kryeministri Zoran Zaev tha se problemet më të mëdha janë pas nesh pasi paraprakisht foli për Marrëveshjen e Prespës dhe paralajmëroi që fillimi i negociatave për anëtarësim me BE-në në tetor do ta fuqizojë vazhdimësinë e reformave në vend.
“Jemi në rrugën e duhur. Problemet më të mëdha janë prapa nesh, është rruga e rritjes së pagave, ofensivës ndërtimore, rruga përmes së cilës paratë shkojnë tek qytetarët, rruga e luftës së përbashkët kundër ndotjes, varfërisë dhe korrupsionit, kjo është rruga e sigurisë, mbrojtjes dhe lirisë, kjo është rruga për në NATO dhe Bashkimin Evropian. Fillimi i negociatave për anëtarësi me BE-në në tetor do ta përforcojë vazhdimësinë e reformave në vend, mbetemi të përkushtuar ndaj sundimit të të drejtës dhe rritjes së standardit jetësor”, tha Zaev.
Kryeministri tha se nga një shtet me shumë probleme dhe marrëdhënie të këqija me fqinjët, tani Maqedonia është shembull pozitiv dhe, siç tha ai, krenari evropiane.
“Nuk ikim prej problemeve, jemi miq me të gjithë fqinjët. Republika e Maqedonisë së Veriut është e njohur si frymëzues i një Ballkani të ri, Ballkan të denjë për shekullin 21, pa konflikte bajate, vetëm bashkëpunim dhe unitet. Nuk duhet t’u nënshtrohemi emocioneve që shfaqen gjatë secilit ndryshim. Nëse mendojmë në mënyrë racionale, do të kuptojmë që nuk humbim asgjë, ndërsa mund të fitojmë gjithçka”, tha Zaev.
- LEXO: Nga e marta do të flasim për PSP-në, sot e festojmë ditën e pavarësisë, thanë Fetai dhe Ristoska
- LEXO: Pendarovski: Për pajtimin e qëndrueshëm kemi nevojë për drejtësi efikase dhe institucione shtetërore me integritet
- LEXO: Nën moton “Ngjyrat e pavarësisë” sot në Shkup mbahet program kulturor-artistik dhe zbavitës (VIDEO)
- LEXO: Sot në Maqedoninë e Veriut festohet 28 vjetori i pavarësisë së shtetit