Aksident i rëndë, humbën jetën 24 persona

Të paktën 24 persona kanë humbur jetën dhe nëntë të tjerë janë plagosur, pasi që autobusin me të cilin po udhëtonin ra në një lumë në veriperëndim të Pakistanit, tha policia, transmeton REL.

Aksidenti ndodhi në orët e vona të 30 gushtit në zonën Kandian, që gjendet në provincën Khyber Pakhtunkwa.

Policia tha se të gjithë personat që po udhëtonin me autobus, i përkisnin një familjeje, të cilët po ktheheshin nga një dasmë.

Lidhur me këtë aksident, policia ka nisur hetimet.

Policia dhe ekipet e shpëtimit kanë hasur në vështirësi për të arritur në vendngjarje, për shkak se aksidenti ndodhi në një zonë të largët malore, e cila së fundmi është goditur nga vërshimet.

Aksidente të tilla rrugore janë të shpeshta në Pakistan, ku shoferët zakonisht nuk respektojnë rregullat e trafikut dhe infrastruktura e dobët rrugore, veçanërisht në terrenet malore në veri të vendit.

Lajme të ngjashme

Leave a Reply

Your email address will not be published. Required fields are marked *

Back to top button