Rada Trajkoviq thotë se kushti i koalicionit të partive serbe në Kosovë është kundërshtimi i Vuçiqit

Kryetarja e Lëvizjes Evropiane të serbëve Rada Trajkoviq ka thënë sot se kushti i saj i vetëm për hyrje në një koalicion me partitë opozitare serbe nga Kosova është kundërshtimi i Listës Serbe dhe politikës së presidentit të Serbisë, Aleksandar Vuçiq.

Trajkoviq, e cila është edhe anëtare e Aleancës për Kosovën, deklaroi se asnjë prej partive në veri të Kosovës nuk ka hyrë në koalicionin parazgjedhor, të nënshkruar sot në Graçanicë, por shtoi se negociatat janë duke u zhvilluar dhe beson se koalicioni i ri ka mbështetjen e qytetarëve serbë nga veriu, transmeton KP.

Subjektet politike serbe nga Kosova nënshkruan një marrëveshje sot në Graçanicë për një pjesëmarrje të përbashkët për zgjedhjet e parakohshme parlamentare më 6 tetor.

Nënshkruesit e marrëveshjes së koalicionit janë Nenad Rashiq (PDS), Rada Trajkovic (EPS), Dragisha Miriq (NPK), Slavisha Petkoviq dhe Branislav Markoviq, ka njoftuar Partia Demokratike Progresive (PDS) e Nenad Rashiqit.

Lista Serbe ka bërë të ditur më herët se lidhur me pjesëmarrjen e saj në zgjedhjet e tetorit do të bashkërendojë vendimet me Beogradin zyrtar.

Lajme të ngjashme

Leave a Reply

Your email address will not be published. Required fields are marked *

Back to top button