121 milionë denarë për zëvendësimin e sistemeve joekologjike për ngrohje
Në seancën e 151-të, Qeveria miratoi Propozim-programin për ndryshimin e Programit për zvogëlimin e ndotësve të ajrit për vitin 2019, transmeton Portalb.mk.
Sipas këtij programi, 121 milion denarë nga buxheti i këtij programi do të orientohen për zëvendësimin e sistemit joekologjik për ngrohjen me sistemin për ngrohje prej gazi, dhe sisteme tjera ekologjike.
Në program, preferohet investimet të orientohen në qytetet më të ndotura, te objektet si shtëpitë, kopshtet, shkollat fillore dhe të mesme, objektet shëndetësore dhe administrative.
